ഇതാണ് ജീവിതം

ഒരു വട്ട പൂജ്യം വരച്ചു വെച്ച് 

ഒന്നാമന്‍ പറഞ്ഞു

ഇതാണ് ജീവിതം 

ചതുരത്തില്‍ വരഞ്ഞു വെച്ച് 

രണ്ടറ്റം കൂര്‍പ്പിച്ചു വെച്ച്

രണ്ടാമന്‍ പറഞ്ഞു 

ഇതാണ് ജീവിതം 

ഓവലില്‍ വരഞ്ഞെടുത്ത വട്ടത്തിന്റെ 

നാനാ കോണുകളില്‍ 

വിളക്ക് തെളിയിച്ചു 

മൂന്നാമന്‍ പറഞ്ഞു 

ഇതാണ് ജീവിതം

ഫലത്തില്‍ എല്ലാം ശൂന്യം എന്നറിഞ്ഞപ്പോള്‍ 

പൂജ്യവും ചതുരവും ഓവലും കൂട്ടിപ്പിടിച്ചു 

അതിലെ കൂര്‍ത്ത മുനകള്‍ മുറിച്ചെടുത്ത് 

വിളക്കുകള്‍ ഊതി കെടുത്തി

ചുരുട്ടി പ്പിടിച്ചു ഞാന്‍ പറഞ്ഞു 

ഇതാണ് ജീവിതം