അവകാശം

തലമണ്ട പോയ തെങ്ങിന്റെ 
തലപ്പത്ത് 
മരം കൊത്തി വീട് പണി തുടങ്ങി 

പച്ച തത്തമ്മ പരക്കം പായുന്നുണ്ട്
മൈന ഒച്ച വെക്കുന്നുണ്ട്.....
കാക്ക മുട്ടയ്ക്ക് കാത്തിരിക്കുന്നുണ്ട്
കൊത്തി  എടുത്തു പറക്കാന്‍

ഇടയ്ക്കു മുട്ട് കേട്ടപ്പോള്‍
പൂവാലന്‍ മോളോട്ടു നോക്കി
കൂവി നോക്കുന്നുണ്ട്
പിടക്കോഴി പിന്തുണയ്ക്കുന്നുണ്ട്

കൊത്തിയും മുട്ടിയും മടുത്ത മരം കൊത്തി
പാട്ടും പാടി ദൂരേക്ക്‌ പറന്നു പോയി
തിരികെ വന്നു പണി തുടരുന്നുണ്ട്...

തത്തമ്മ ആധാരം ചോദിച്ചു നോക്കുന്നുണ്ട്
മൈന എതിര്‍ വാദം ഉന്നയിച്ചു
കാക്കയ്ക്ക് മുട്ട കിട്ടിയാ മതി