അതിഥി വരാനുണ്ടൊരു നാളില്‍
എനിക്കായ്
ക്ഷണിചിട്ടല്ല
വിളിച്ചിട്ടല്ല
നട്ട പാതിരാക്കോ
നട്ട് പുലച്ചക്കോ
വരുമവന്‍
കാളിംഗ് ബെല്ലടിക്കില്ല
അനുവാദം അവനു വേണ്ട
വാതില്‍ തുറക്കാന്‍
പറയില്ല
ഉണ്ണുമ്പോള്‍ നിര്‍ത്തേണ്ടി വരില്ല
ഉറക്കം ഗൌനിക്കില്ല
കുട്ടികളോടും കുടുംബത്തോടും
സല്ലപിക്കുന്നതില്‍
ഇടപെടില്ല
യാത്ര മുടക്കും
ഇഷ്ടങ്ങള്‍ക്ക്
വിലങ്ങിടും
സ്നേഹങ്ങള്‍ക്ക്‌
ദുഖം കൊടുക്കും
അതിഥി യായൊരു നാളില്‍
വരുന്നവനെയും കാത്തു
ഉമ്മറപ്പടിയില്‍ ഇരിക്കാന്‍
ആഗ്രഹമില്ല
മധുരം കൊടുക്കാന്‍
അവന്‍ സ്വീകരിക്കില്ല
തിരിച്ചു പോകാന്‍ ഒരുങ്ങുമ്പോള്‍
എന്നെയും കൂടെ കൊണ്ട് പോകും
അനുവാദം വേണ്ട
എങ്ങോട്ടാണെന്ന്
അവള്‍ ചോദിക്കില്ല
ഭക്ഷണം കഴിച്ചു പോകാം
എന്ന് ഉമ്മ എന്നോട് പറയില്ല.
വാപ്പ വേഗം വരില്ലേ
എന്ന് മകള്‍ ചോദിക്കില്ല
തിരിച്ചു വരുമെന്നും
മിഠായി കയ്യില്‍
ഉണ്ടാവും എന്നും കരുതി
അവളുമിരിക്കും.
No comments:
Post a Comment